21.1.2018Training School for Girls (93 orphanage girls) Day Trips to Yangon zoo ( Transportations + Lunch + Snacks) 

21.1.2018Training School for Girls (93 orphanage girls) Day Trips to Yangon zoo ( Transportations + Lunch + Snacks) 

21.1.2018

Training School for Girls (93 orphanage girls) Day Trips to Yangon zoo ( Transportations + Lunch + Snacks) 

5BB ၏ အင်တာနက်သုံးစွဲသူများကိုယ်စား 5BB ၏ ဝန်ထမ်းမိသားစုများမှ ၂၁.၁.၂၀၁၈ (တနင်္ဂနွေနေ့)တွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှ အမှတ်(၄၉)၊ မလိခလမ်း၊ မရမ်းကုန်းမြို့နယ်၊ ရန်ကုန်မြို့တွင် ဖွင့်လှစ်ထားသော အမျိုးသမီးကလေးများသင်တန်းကျောင်းရှိ မိဘမဲ့၊ ခိုကိုးရာမဲ့ အမျိုးသမီးကလေးများ (၉၃)ဦးကို တိရိစ္ဆာန်ဥယျာဉ်(ရန်ကုန်)သို့ ပျော်ရွှင်စရာလေ့လာရေးခရီးစဉ်အဖြစ် ပို့ဆောင်ပေးခဲ့ပါတယ်။ ကလေးများအလွန်ပျော်ရွှင်ခဲ့ကြရပါတယ်။ အရင်က ၂ ခါရောက်ဖူးတယ်ဟု သိရပြီး ဒီတခေါက်ပွဲတွေပါကြည့်ရလို့ အလွန်နှစ်သက်ကြပါတယ်။ ၂၀၁၈ နှစ်သစ်ရဲ့ ကြည်နူးဖွယ်ရာခရီးစဉ်လေးကို 5BB ၏ အင်တာနက်သုံးစွဲသူများ၏ ပံ့ပိုးမှုဖြင့် ပို့ဆောင်ပေးခဲ့ပါကြောင်း မျှဝေခြင်းဖြစ်ပါတယ်ရှင်။

အမျိုးသမီးကလေးများသင်တန်းကျောင်း(ရန်ကုန်) သည် စေတနာ့ဝန်ထမ်းအသင်းအဖွဲ့ဖြစ်သော Vigliance Society က ၁၉၄၅ ခုနှစ်တွင် Home for Girls အမည်ဖြင့် စတင်ဖွင့်လှစ်ခဲ့ခြင်းဖြစ်ပြီး ၁၉၆၂ ခုနှစ်တွင် လူမှုဝန်ထမ်းဦးစီးဌာနမှ လွှဲပြောင်းလက်ခံရယူခဲ့ပြီး အမျိုးသမီးကလေးများသင်တန်းကျောင်း (Training School for Girls) အမည်ဖြင့်ဆက်လက်ဖွင့်လှစ်ခဲ့ ပါသည်။ ထိုကျောင်းတွင် အသက် ၈ နှစ်မှ ၁၈ နှစ်အတွင်း မိဘမဲ့၊ ခိုကိုးရာမဲ့ အမျိုးသမီးကလေးများကို လက်ခံပြုစုစောင့်ရှောက်လျက်ရှိပါသည်။ မူလတန်းသမီးငယ်လေးများအား ထိုကျောင်းဝင်းအတွင်း ဖွင့်လှစ်ထားသည့်မူလတန်းကျောင်းတွင် သင်ကြားပေးပြီး ၊ အလယ်တန်း ၊ အထက်တန်း နှင့် တက္ကသိုလ်တက်ရောက်နေသော သမီးငယ်လေးများကို ပြင်ပအစိုးရကျောင်းများတွင် တက်ရောက် သင်ကြားစေခြင်း ၊ အခြားအသက်မွေးဝမ်းကြောင်းပညာရပ်များဖြစ်သော စက်ချုပ် ၊ ကွန်ပျူတာ ၊ စိုက်ပျိုးရေး ပညာရပ်များအားလည်း သင်ကြားပေးလျက်ရှိပါသည်။ ထိုကျောင်းမှ ကလေးအများစုသည် ပညာရေးတွင် ထူးချွန်သောကလေးများ ဖြစ်နေသည်ကိုလည်းတွေ့ရှိခဲ့ရပါသည်။

မိဘပြည်သူများမှလည်း လှူဒါန်းလိုပါက အမျိုးသမီးကလေးများသင်တန်းကျောင်း၊ ဖုန်း ၀၁-၉၆၆၀၃၀၂ ၊ ၀၉၄၃၁၂၅၄၃၈ ၊ ၀၉၄၂၀၀၄၀၇၇၂ သို့ ဆက်သွယ်လှူဒါန်းနိုင်ပါသည်။
5BB မိသားစု

Scroll Up